«Вот Так» шукае журналіста-расследавальніка

Рускамоўная рэдакцыя Польскага грамадскага тэлебачання (TVP) шукае штатнага журналіста ў аддзел расследаванняў.

Што трэба рабіць:

• Самастойна знаходзіць тэмы і ператвараць ідэі ў паўнавартасныя журналісцкія расследаванні.

• Працаваць з героямі, відавочцамі і экспертамі — па тэлефоне, праз відэасувязь і пісьмова.

• Шукаць інфармацыю ў адкрытых крыніцах, выкарыстоўваць OSINT-інструменты і знаходзіць эксклюзіўныя звесткі.

• Верыфікаваць дакументы, фота, відэа і іншыя матэрыялы, устанаўліваць сувязі паміж фактамі і знаходзіць неадпаведнасці.

• Працаваць з вялікімі масівамі даных.

• Выконваць журналісцкія стандарты, правяраць інфармацыю і старанна працаваць з доказамі.

• Пісаць ясныя і структураваныя тэксты, тлумачачы складаныя тэмы простай мовай.

• Працаваць над расследаваннямі з улікам відэафармату: знаходзіць герояў, дакументы, фота, відэа і іншыя матэрыялы, з якіх у далейшым можна сабраць відэаверсію расследавання. Пісаць сцэнары для відэа не патрабуецца; важна ўмець збіраць матэрыял так, каб у відэарэдакцыі было дастаткова змястоўнай і візуальнай фактуры для працы.

• Працаваць у камандзе з рэдактарамі, журналістамі, відэапрадзюсарамі і іншымі аддзеламі рэдакцыі.

Будзе перавагай: досвед журналісцкіх расследаванняў, а таксама разуменне спецыфікі працы з крыніцамі ва ўмовах рэпрэсіўных рэжымаў.

Умовы:

• Графік: 5/2, выходныя — субота і нядзеля.

• Аплата: канкурэнтная, абмяркоўваецца індывідуальна.

• Фармат працы: магчымая аддаленая праца.

Каб адгукнуцца, дасылайце рэзюмэ на [email protected]

The post «Вот Так» шукае журналіста-расследавальніка appeared first on Беларуская асацыяцыя журналістаў.